چہرے پر بیسن لگانا

بسم الله الرحمن الرحيم.

لباس اور زینت سے متعلق نئے مسائل:

مفتی ولی اللہ مجید قاسمی ۔

انوار العلوم فتح پور تال نرجا ضلع مئو.

19 -آرائش و زیبائش کے لیے کھانے پینے کی چیزوں کا استعمال:

خوبصورتی اور زینت کے لئے کھانے پینے کی چیزوں مثلاً دودھ، انڈا اور شہد وغیرہ کا استعمال کرنا درست ہے اس لئے کہ اللہ تعالی کا ارشاد ہے:

هو الذي خلق لكم ما في الارض جميعا.

کھانے پینے اور دوسری چیزیں انسان کے فائدے اور نفع کے لئے پیدا کی گئی ہیں۔ اور خوبصورتی میں اضافہ ایک جائز مقصد ہے؛ اس لئے اس میں ان چیزوں کا استعمال درست ہے البتہ احتیاط کا تقاضا ہے کہ استعمال کے بعد اسے کسی برتن میں دھل کر جانور کو کھلا دیا جائے یا پودے وغیرہ میں ڈال دیا جائے ۔اور نالی میں بہانے سے بچا جائے ۔